Виленско-литовская епархия

LT/RU⤵️

Vasario 16 d., Lietuvos valstybės atkūrimo dieną, Lietuvos Stačiatikių Bažnyčios vadovas, Jo Eminencija Inokentijus, Vilniaus ir Lietuvos metropolitas, Šventosios Dvasios vienuolyne meldėsi už Dievo globojamą šalį Lietuvą.

16 февраля, в День восстановления Литовского государства, предстоятель Литовской Православной Церкви, Высокопреосвященнейший Иннокентий, митрополит Виленский и Литовский, вознес в Свято-Духовом монастыре молитвы за богоспасаемую страну Литовскую.

ПОЛНЫЙ ТЕКСТ МОЛИТВЕННЫХ ПРОШЕНИЙ

Благодаряще со страхом и трепетом, Твоему благоутробию, Спасе и Владыко наш Господи, в День восстановления Литовского государства о Твоих благодеяниих, яже излиял еси изобильно на страну Литовскую и народ ея, и припадаем, и славословие Тебе яко Богу приносим, и умиленно вопием: избави от всех бед люди Твоя, и всегда яко милостив исполни во благих желание всех нас, прилежно молимся Ти, услыши и помилуй.
Якоже ныне, милостивно услышал еси молитвы людей Твоих, Господи, и явил еси на них благоутробие человеколюбия Твоего, сице и в предняя не презирая, исполни во славу Твою вся благая хотения верных Твоих, и яви всем нам богатую милость Твою, вся нам согрешения презирая: молимся Ти, услыши и помилуй.
Благоприятно, яко кадило благовонное и яко тучная всесожжения, да будет, Всеблагий Владыко, благодарение сие наше пред величеством Славы Твоея,  в День восстановления Литовского государства за все благодеяния, посланные стране Литовской и народу ея, и низпосли всегда яко щедр людем Твоим богатыя милости, и щедроты Твоя, и безгрешное со здравием долгоденствие, и во всех добродетелех преспеяние даруй, молим Ти ся, Всещедрый Царю, милостивно услыши и скоро помилуй.

Господи Иисусе Христе Боже наш, Боже всякаго милосердия и щедрот, Егоже милость безмерна, и человеколюбия неизследимая пучина; ко Твоему величеству припадающе, в день восстановления Литовского государства, благодарение Твоему благоутробию о Твоих благодеяниих на нас бывших, ныне смиренно приносяще, яко Господа, Владыку и Благодетеля славим, хвалим, поем, и величаем, и припадающе паки благодарим за все благодеяния, посланные стране Литовской и народу ея.
Приклонися, Милостиве, ко предстательству Пречистой Богоматери, день и нощь, якоже дерзновенно исповедует Святая Церковь, молящейся о нас. Вонми Ее ходатайству о нас и не возбрани Ей и на будущее время быти нашей теплой Предстательницей и Помощницей, скорби и беды от страны Литовской и народа ея отгоняющей, и ко спасению всех нас наставляющей, не возбраняй Ей и на будущее время быть Царицею Небесною земли нашей.
Приими, Святе святых, молитвы святых сродников наших, всех святых Земли Литовской, непрестанно, якоже мы твердо веруем, молящихся о стране Литовской, властех и народе ея и о всех нас. По молитвам всех святых Земли Литовской, да украшаются, Господи, люди земли нашея верою, благочестием, смирением, терпением и прочими добродетелями христианскими, ими же обиловали отцы наши. 
Даруй нам, Господи, утешение вскоре увидеть дни, благ духовных и телесных исполненные, да всегда, всякое довольство и духовное и телесное имуще, изобиловать будем и в дела благая, и тако во стране Литовстей и во всем мире от всех да прославляется пречестное в великолепное имя Бога отцев наших, в Троице Святей славимаго и поклоняемаго Отца, Сына и Святаго Духа всегда, ныне и присно и во веки веков.